Falen gjobat e karantinës. Kthehen paratë, makinat dhe lejet e bllokuara

Këshilli i Ministrave ka miratuar aktin normativ që parashikon faljen e të gjitha gjobave të vendosura nga autoritetet shtetërore përkatëse për shkeljen e rregullave apo të akteve ligjore e nënligjore të nxjerra në kuadër të masave të ndërmarra për parandalimin dhe luftimin e infeksionit të shkaktuar nga COVID-19, nga data 17.4.2020 deri në datën 7.10.2020.

Po ashtu, akti parashikon se falen të gjitha masat administrative të vendosura nga strukturat e njësive të vetëqeverisjes vendore ndaj familjeve të dëmtura nga fatkeqësitë natyrore, tërmetet e datave 21 shtator dhe 26 nëntor 2019, për shkeljet e konstatuara gjatë kryerjes së punimeve për riparimin/rindërtimin e banesave individuale.

Kthimi i shumës së detyrimit të falur, por të paguar, për masat administrative me gjobë, merret nga zëri përkatës i buxhetit të shtetit apo buxhetit të institucionit në të cilin është arkëtuar shuma, me urdhër të nëpunësit të parë autorizues, dhe kalohet në llogarinë bankare të subjektit përfitues ose, në mungesë të saj, kjo shumë i dërgohet institucionit shtetëror që ka vendosur masën me gjobë për t’ia dorëzuar subjektit përfitues.

Të gjitha institucionet shtetërore, të cilat kanë ushtruar autoritetin e vendosjes së masës administrative me gjobë, duhet të përgatisin listat e subjekteve ndaj të cilave është vendosur masa administrative me gjobë, duke përfshirë shumën si dhe të dhënat e nevojshme për kthimin e saj brenda datës 30 tetor 2020.

Kthimi i shumave pranë llogarisë bankare të subjektit përfitues apo institucionit shtetëror që ka vendosur masën administrative me gjobë të bëhet brenda datës 15 nëntor 2020.

Mënyra dhe rregullat e hollësishme të kthimit të shumave të paguara përcaktohen me udhëzim të ministrit të Financave dhe Ekonomisë.

“Në rastin e gjobave të vendosura nga njësitë e vetëqeverisjes vendore, të gjitha strukturat përkatëse duhet të dërgojnë listat e subjekteve ndaj të cilave është vendosur masa administrative. Mënyra dhe rregullat e hollësishme për zbatimin e faljes dhe kthimin e shumave të paguara, sipas përcaktimeve të këtij akti normativ, përcaktohen nga këshilli bashkiak” përcaktohet në vendim.

Po ashtu, akti parashikon kthimin e lejeve/licencave dhe mjeteve të bllokuara, në zbatim të masave administrative

Të gjitha masat administrative me karakter ndëshkues, si lejet/licencat dhe mjetet e bllokuara, duhet të kthehen brenda datës 15 nëntor 2020 te subjekti përfitues./ SCAN

Ish-shefi i SHIK rrëfen takimin me shërbimin sekret serb: U morëm vesh për njëherë

Ish-shefi i Shërbimit Informativ shqiptar Fatos Klosi në intervistën ekskluzive dhënë për emisionin “Ballkan” të gazetares Linda Karadaku tregoi prapaskenat e një takimi me shërbimin informativ serb pas luftës, në 2002 në Bukuresht, të detyruar nga amerikanët.

“Me serbët jemi takuar shumë më vonë se lufta. Me serbët jemi takuar pas luftës, na detyruan amerikanët të takoheshim dhe takimi vajti mirë, në 2002, në Bukuresht. Kishte mbaruar lufta, serbët po ristrukturonin shërbimin informativ, e kishin një farë kushti nga perëndimorët për të thënë se gjërat kanë ndryshuar kanë prioritete të tjera.

Atje patëm rastin. U morëm vesh për njëherë, njerëzit e harrojnë. Punonjësit e shërbimit janë punonjës shteti, detyrat i cakton kryeministri. Prioritetet i cakton politika. Doli se kishim të njëjtat detyra nga politika. Ne kishim kaluar në luftë kundër krimit dhe terrorizmit. Çështja e Kosovës ishte mbyllur. Ishte nën protektoratin e NATO-s. Folëm hapur fare” tha ai./ db/Abcnews.al

Kundërpërgjigjet Serbia, notë proteste ambasadorit shqiptar në Beograd

Ministria e Punëve të Jashtme e Serbisë ka njoftuar se e ka thirrur të mërkurën ambasadorin e Shqipërisë në Beograd, Ilir Boçka për t’i dorëzuar një notë proteste lidhur me deklaratat e bëra gjatë takimit të të dy qeverive, asaj të Kosovës dhe Shqipërisë më 2 tetor në Tiranë, për heqjen e kufirit mes këtyre dy të fundit.

“Deklaratat e tilla, të cilat përfshijnë bashkimin e Shqipërisë dhe Kosovës dhe krijimin e një Shqipërie të Madhe, paraqesin një arsye të justifikueshme shqetësimi, si për Republikën e Serbisë ashtu edhe për vendet e tjera të rajonit të angazhuara për ruajtjen e stabilitetit dhe intensifikimin e bashkëpunimit në rajon”, thuhet në deklaratën e Ministrisë së Jashtme serbe.

Raportet diplomatike mes Shqipërisë dhe Serbisë janë përshkallëzuar së fundmi. Veprimi i Ministrisë së Jashtme serbe pason atë të Ministrisë së Jashtme të Shqipërisë, e cila të martën e ka thirrur ambasadorin serb në Tiranë për t’i përcjellë Serbisë një notë proteste, pas deklaratave të ministrit të Mbrojtjes së Serbisë, Aleksandar Vulin.

Kryeministri i Shqipërisë, Edi Rama ka thënë se “nuk do të tolerohet asnjë ofendim nga përfaqësuesit e qeverisë serbe”.

“Ministria për Punët e Jashtme të Shqipërisë ka vazhduar më tutje me procesin, ambasadori i Serbisë është thirrur apo do të thirret, për t’i bërë me notë verbale vënien në dijeni të shtetit serb se asnjë gojë e shthurur në Qeverinë e Serbisë nuk mund të lëndojë Qeverinë e Shqipërisë, apo figurën e një ministri apo kryeministrit të Shqipërisë”, u shpreh Rama.

Në anën tjetër, Ministria e Jashtme e Serbisë, konfirmoi se ambasadori serb në Tiranë ka qenë i ftuar nga Ministria e Jashtme e Shqipërisë mirëpo ai ka refuzuar të pranojë notën e protestës për shkak të qëndrimeve të papranueshme të shprehura në të.

Ministri serb pak ditë më parë komentoi deklaratën e kryeministrit Edi Rama në konferencën e përbashkët të zhvilluar me kryeministrin e Kosovës, Avdullah Hoti, pas mbledhjes së dy qeverive, asaj të Kosovës dhe Shqipërisë.

Kryeministri shqiptar tha në konferencë që Porti i Durrësit do të jetë “de facto” port i Kosovës. Ministri Vulin, pas kësaj deklarate kishte thënë se që Rama po punon për krijimin e “Shqipërisë së Madhe”.

“Duke deklaruar se Porti i Durrësit do të jetë i Kosovës, Edi Rama vazhdon të punojë për krijimin e ‘Shqipërisë së Madhe’”, kishte thënë Vulin duke i bërë thirrje BE-së që të reagonte pasi një gjë e tillë është kërcënim për paqen.

Përmes një deklarate të dytë, ministri serb i Mbrojtjes u shpreh se kryeministri i Shqipërisë do të mbahet mend më shumë për “çorapet e grisura” sesa për zhvillimin e ideve të ndritura dhe se Rama nuk ka “tru mjaftueshëm”.

“Nëse Edi Rama do të kishte tru, nuk do të përpiqej të bënte ‘Shqipërinë e Madhe’. Nëse do të kishte mend, nuk do të bënte fotografi me sfond nga flamuri i ‘Shqipërisë së Madhe’. Nëse kujdesej për paqen në rajon, nuk do të lavdëronte vrasësit e UÇK-së”, kishte thënë Vulin.

Kryeministri Rama duke iu përgjigjur këtyre deklaratave, tha se pret që president i Serbisë, Aleksandër Vuçiç, të kërkojë ndjesë në emër të shtetit të Serbisë.

Sot hapen aplikimet për Lotarinë Amerikane, ja çfarë duhet të dini

Aplikimet për lotarinë amerikane hapen sot në orën 18:00.

Ambasada e Shteteve të Bashkuara në një postim në Facebook, i ka rikujtuar të gjithë qytetarëve të interesuar për programin e Lotarisë Amerikane për vitin 2022, se aplikimet do të jenë të hapura nga data 7 tetori 2020 deri më 10 nëntori 2020 në orën 18:00.

Të gjithë qytetarët e interesuar duhet të plotësojnë formularin në faqen e Ambasadës Amerikane.

Për më shumë informacion, klikoni këtu: http://ow.ly/7dCz50BFoLx”, thuhet të njoftimin e ambasadës së SHBA.

Merkel i tërheq veshin Vuçiçit. Shqipëria drejt BE-së

Kancelarja Gjermane Angela Merkel gjat ditës së sotme ka kritikuar ashpër qeverinë e Serbisë pasi këto të fundit po investojnë në armatime ndërkohë që nuk dihet qëllimi i investimit.

Kancelarja Merkel i ka bërë me dije kryeministrit serb se do të ketë sanksione nga bashkimi europian nëse nuk tregohen transparent për ngjarjet e fundit.

Gjithashtu Merkel theksoi se duhet ndaluar gjuha e urrejtjes dhe nacionalizmave ndaj Shqiptarëve pas deklaratës së dhënë ditë më parë nga ministri i mbrojtjes serb. Merkel gjithashtu përgëzoi palën Shqiptare që u tregua e matur ndaj deklaratave të ministrit të mbrojtjes serb.

Kancelarja Merkel në përfundim tha se Shqipëria është në rrugën e duhur drejt antarësimit në familjen e madhe europiane. /Lajmenoy.info

Pandev: Digjem nga dëshira për ta fituar ndeshjen kundër Kosovës

Goran Pandev tha qartë se kjo është një nga ndeshjet më të rëndësishme në karrierën e tij të shkëlqyeshme.

“ Dëshira ime, federata dhe ambasada e Maqedonisë në Itali kishin një dëshirë të madhe për të ardhur këtu dhe në fund ia dolëm. Ne jemi duke u përgatitur si për të gjitha ndeshjet e tjera. Do të jetë për të ardhur keq që nuk do të ketë tifozë dhe që të dy ekipet kombëtare nuk janë të kompletuara. Ne sigurisht që shpresojmë të fitojmë”, vijoi ai, përcjell lajmi.net.

“Ndeshjet në fanellën e klubit dhe këto në ekipin kombëtar, për mua ky është shansi i fundit për t’u kualifikuar me Maqedoninë në Kampionatin Evropian. Emocionet janë sigurisht këtu, nëse nuk do të ishin ato do të kishin dalë në pension deri tani. Ne duam ta bëjmë të lumtur popullin maqedonas në këto ditë të vështira”, tha Pandev.

“Ne duhet të hyjmë me kokë të ftohtë, kemi shumë lojtarë që kanë luajtur ndeshje të rëndësishme. Ne të gjithë po digjemi nga dëshira për të fituar këtë ndeshje”.

Disa faktorë e ndihmuan Pandev të merrte pjesë në këtë takim.

“Më meritorët për mua këtu janë trajneri, federata, ambasada jonë maqedonase në Itali, si dhe njerëzit në klubin tim. Të gjithë në klub e dinë se çfarë do të thotë kjo ndeshje për mua, prandaj më ndihmuan. Unë dua t’u dërgoj një mesazh disa njerëzve të cilët as nuk dërguan një mesazh për të pyetur se si është Goran, a do të luajë ai në këtë ndeshje”, përfundoi ai.

Maqedoni, Pacienti me Kovid arratiset nga Spitali, pas 5 orëve arrestohet nga policia

Një person i cili paraprakisht kishte rezultuar pozitiv me koronavirus dhe ishte i shtritë në spitalin “8 Shtatori” në Shkup, kishte ikur nga spitali dhe më pas është gjetur nga pjesëtarët e policisë.
Nga Ministria për Punë të Brendshme informojnë se personi ka ikur në ora 21:30 dhe pas disa orëve të kërkimit, i njëjti është gjetur në ora 02:00 dhe është kthyer në spital.

“Me datë 06.10.2020 në ora 21:30, në spitalin “8 Shtatori” u denoncua se një pacient B.I nga Kumanova, ka ikur nga qendra kovid-19. Pas ndërmarrjes së aktiviteteve nga ana e policisë, personi është gjetur në ora 02:00 dhe është kthyer në spital” kanë njoftuar nga policia.

Ndërkaq drejtori i spitalit “8 Shtatori” thotë se nuk beson që ky pacient të kishte pasur kontakt me njerëz tjerë, ai shton se me siguri pacienti me forcë e ka hapur derën e spitalit.

Banka Botërore: Mbi 41% e shqiptarëve pritet të zhyten në varfëri

Banka Botërore në raportin e saj të fundit të Rishikimit Ekonomik të vjeshtës për Europën dhe Azinë Qendrore evidenton në seksionin për Shqipërinë, se kriza po shton varfërinë, kryesisht përmes rritjes së papunësisë.

Sipas vlerësimeve të bankës, pavarësisht masave që janë marrë, varfëria e moderuar (përqindja e popullsisë që jeton me më pak se 5.5 dollarë për person në ditë, të vlerësuara sipas barazisë së fuqisë blerëse, që eliminon diferencat e çmimeve mes vendeve) pritet të rritet me rreth 5 pikë përqindjeje. Aktualisht, ky tregues sipas tabelave të Bankës është 35.6%. Pas krizës, rreth 41.5% e popullsisë do të jetojë me më pak se 5.5 dollarë në ditë (sipas barazisë së fuqisë blerëse)..

Sipas raportit, mbyllja e bizneseve, operacionet e zvogëluara dhe ndërprerjet në zinxhirët e furnizimit dëmtuan prodhimin. Sektori i turizmit, një faktor kyç i rritjes, ka qenë shumë i prekur. Konsumi dhe vendimet për investime janë vonuar.

Si rezultat, PBB-ja e Shqipërisë pritet të kontraktohet/tkurret me 8.4 për qind në vitin 2020, thotë banka.

Ngadalësimi në sektorët intensivë të fuqisë punëtore ka rritur papunësinë në 11.9 për qind në tremujorin e dytë, nga 11.5 për qind në tremujorin e dytë të vitit të kaluar.

Autoritetet shqiptare prezantuan subvencionim të pagave, rritën shpenzimet shoqërore, miratuan një moratorium të përkohshëm në instalimin e huasë dhe ofruan garanci sovrane kredie për të lehtësuar pagesat e pagave dhe kapitalit qarkullues, por pavarësisht këtyre masave, varfëria pritet të rritet.

Ende, shumë punonjës dhe sipërmarrës informal përballen më një stres të rëndë ekonomik.

Nëse pandemia do të zgjatet më tej në kohë dhe zgjidhja që pritet nga vaksina do të vonohet, kjo mund të kërkojë masa të reja të distancimit social dhe kufizimit të aktivitetit ekonomik. Të tilla masa do të kishin ndikim direkt në rimëkëmbjen e sektorit të shërbimeve dhe të industrisë përpunuese, duke çuar të tjera biznese drejt falimentimit dhe duke e vonuar procesin e shëndoshjes së punësimit në ekonomi. Forma e kurbës së përtëritjes ekonomike, sipas Bankës Botërore, do të ndikohet shumë nga normalizimi i ekonomisë botërore.

Rritja u ngadalësua në 2.2 për qind në vitin 2019 pasi në thatësirë preku prodhimin e hidrcentraleve dhe një tërmet shkatërres goditi Shqipërinë në Nëntor të vitit 2019. Ndërsa vendi fillojë fazën e rindërtimit, pandemia e koronavirusit detyrojë mbylljen e sektorëve kyç të ekonomisë.

Deficiti i llogarisë rrjedhëse pritet të rritet me rreth 11.9 për qind të pbb-së në vitin 2020.

Ulja e fluksit të turistëve, rënia e porosive të përpunimit të tekstilit, si dhe çmimet e ulëta të naftës pritet të shkaktojnë një rënie të ekosporteve me 37 për qind.

Pozicioni fiskal i Shqipërisë pritet të përkeqësohet në 2020 pasi deficiti pritet të jetë 8.5 pqr qind e PBB-së gjatë këtij viti./ Monitor

Ministri serb i përgjigjet Ramës: Duhet të kërkosh ti ndjesë

Ditën e sotme kryeministri Edi Rama deklaroi se Ministria e Punëve të Jashtme ka thirrur ambasadorin serb në Tiranë për t’i përcjellë Serbisë një notë verbale proteste, pas deklaratave të ministrit të Mbrojtjes së Serbisë, Aleksandar Vulin për fyerjet kundër shqiptarëve.

Pas kësaj notës verbale të Shqipërisë, ka reaguar përsëri ministri serb të Mbrojtjes, Aleksandar Vulin. Ai thotë se kryeministri i Shqipërisë thirri ambasadorin për notën e protestës pasi ngeli pa argumente.

Vulin thotë se krijimi i Shqipërisë së Madhe në Ballkan do të ishte një katastrofë dhe se kjo është arsyeja pse ai do të vijojë të luftojë kundër Ramës.

Kur ai mbeti pa argumente i bëri thirrje Ministrisë së Punëve të Jashtme për ndihmë. Asgjë e re, ishte kështu gjatë gjithë historisë deri në agresionin e NATO-s, dikush gjithmonë është duke thirrur për ndihmë dhe kundër serbëve. Le të kërkojë falje Edi Rama për “Shtëpinë e Verdhë”, le të kërkojë falje për mbështetjen e vrasësve nga UÇK-jaPër vendin e Esad Pashë Toptanit, ka pak katastrofa më të mëdha se Rama, por kjo është çështje e Shqipërisë, dhe katastrofa që një “Shqipëri e Madhe” do të bënte në Ballkan është fatkeqësia e të gjithë neve që jetojmë në Ballkan, dhe kjo është arsyeja pse unë do të luftoj kundër tij” tha Vulin.

Ministri serb pak ditë më parë komentoi deklaratën e kryeministrit Edi Rama në konferencën e përbashkët të zhvilluar me kryeministrin e Kosovës, Avdullah Hoti, pas mbledhjes së dy qeverive, asaj të Kosovës dhe Shqipërisë.

Kryeministri shqiptar tha në konferencë që Porti i Durrësit do të jetë “de facto” port i Kosovës. Ministri Vulin, pas kësaj deklarate kishte thënë se që Rama po punon për krijimin e “Shqipërisë së Madhe”. Ministri serb fyeu shqiptarët duke iu referuar me termin ofendues “shiptarima” duke sjellë më pas reagimin e Tiranës dhe Prishtinës.

Dronet turq “Bayraktar” do prodhohen ne Kosovë

Kosova dhe projekti Bayraktar

Burime të sigurta nga industria dhe Teknologjia e kompanive Turke! Bayraktar dhe Roketsan Flasin per nje projekt madheshtor ( sherbimet e intelegjences ushtarake Turke kan vendosur dy pika në Glob ku do të instalohet teknologjia e prodhimit të Droneve 1- Ne portat e Europe’s në Kosovë dhe 2- Në Krimea! Arsya e ketyre dy vendeve eshte historike, tradicionale, vllazerore, strategjike dhe ushtarake!
Sherbimet e intelegjences Serbe humben kohe kot disa Muaj duke bredh në Stamboll Ankara , Moske per t’a ndaluar ket projekt…
Reklame

✨Kosova Armata FSK do të paiset me tri gjera qe i endrrojn edhe fuqit e medha! 1- infrastruktur te pergaditjes dhe instalimit të bazes ushtarake 2- Teknologji me moderne të Droneve vrojtuse dhe sulmuse 3- Akademi të studentëve kadetve të FSK -se në pergaditjen e programeve dhe zotrimit të Droneve…✨

Edhe kompania Roketsan ka shpreh deshiren e integrimit të studentëve inxhinjerise në projektet e shumta të sistemeve Raketore…

Ne të ardhmen e afert mund të paiset FSK-ja me sistemin raketor Bora dhe Divan që garantojnë territoret shqiptare të Ballkanit jan ombrellë e hekurt qe nuk deperton Arma kundershtare e fqinjeve…

✨Vizita e Ministrit të Mbrojtjes Anton Çunit në Turqi eshte vizita me efikase historike e një Ministri të mbrojtjes shqiptar✨

Shkumbin Muriqi