Korea e Veriut nxjerr raketën e re balistike

Koreja e Veriut demonstroi gjatë një parade ushtarake një raketë të re balistike ndërkontinentale.

Analistët thanë se raketa, e cila u shfaq në një automjet transporti me 11 boshte, do të ishte një nga më të mëdhatë në botë në kategorinë e raketave ndërkontinentale të lëvizshme, nëse vihet në përdorim.

Parada e pashembullt, e mbajtur në orët e para të mëngjesit ishte organizuar me rastin 75-vjetorit të Partisë së Punëtorëve në pushtet.

Është hera e parë që Koreja e Veriut paraqet raketa balistike që kur udhëheqësi i saj filloi takimet me udhëheqësit ndërkombëtarë, duke përfshirë Presidentin e SHBA Donald Trump, në vitin 2018.

Ai tha se vendi do të vazhdojë të rrisë fuqinë e mbrojtjes kombëtare dhe mjetet vetmbrojtëse për parandalimin e luftës, por nuk përmendi drejtpërdrejt Shtetet e Bashkuara ose bisedimet e denuklearizimit që tani janë bllokuar.

Një zyrtar i lartë i administratës amerikane e quajti shfaqjen e raketës balistike ndërkontinentale “zhgënjyese” dhe i bëri thirrje Phenianit të negociojë për arritjen e një denuklearizimi të plotë./VOA

Gjuhë fyese ndaj myslimanëve në Kuvend, reagon ashpër Halit Valteri

Deputeti i opozitës parlamentare, Halit Valteri ka reaguar ashpër ndaj kolegut të tij, Ralf Gjonit kur ky i fundit ka folur për gratë e mbuluar. Valteri i cilëson si të pa pranueshme deklaratat e Ralf Gjonit.

Në seancën plenare të ditës së sotme, Ralf Gjoni ka hedhur akuza se sipas tij presidenti turk, Rexhep Tajip Erdogan, po i afrohet vendit tonë për të kapur tendera, ku ka folur edhe për fenë, ndërkohë ka përmendur edhe gratë e mbuluara.

“Çfarë kërkon Vaherlyi, që Shqipëria të mbesë vetëm me pensionistë si Spartak Braho? Apo me fëmijë kriminelësh, apo me gra të mbuluara islamike? Çfarë kërkon Vaherly?”, tha Gjoni ndër të tjera.

Ndërkohë, Valteri thekson se Gjoni duhet që të lajë gojën kur të flasësh për zonja të nderuara me shami sepse janë shumë herë me të lartësuara se sa ata që mbron ai.

“Ralf lëre fenë jashtë parlamentit dhe kur të flasësh për zonja të nderuara me shami laj gojën sepse janë shumë herë me të lartësuara se sa ata që mbron ti. Do isha shumë i nderuar të kisha miqësi me Erdoganin, po ca të bëj se s’më lidh asgjë me të.

E nderuar zonja e seancës njerëz islamofobë mundohuni ti largoni nga kjo seancë. Ralf, jam më shqiptar se ti, por të lutem mos fol këtu,” tha mes të tjerash Valteri nga foltorja e Kuvendit.

Rama: Aeroport në Vlorë, Kukës e Sarandë brenda mandatit të tretë

Kryeministri Edi Rama ka premtuar se deri në fund të mandatit të tij të tretë (të cilin e përmendi disa herë) në Shqipëri do të kenë përfunduar edhe tre aeroporte të tjerë.

Nga Asambleja e Partisë Socialiste, ku në fakt nuk nguroi të sulmonte përfaqësuesit e opozitës, Edi Rama tha se javën e ardhshme do të rikthehet puna për aeroportin e Vlorës, ndërsa përmendi ndërtimin e një aeroporti edhe në Sarandë.

“Më thoshin që i Kukësit është fantazi. O do ti marr 120 demokratë që më shajnë dhe do t’i sjell nga Londra të votojnë PD, o s’ka. Do ti sjell në aeroport do ti them: Shko voto PD.

Aeroporti i vlorës u pengua nga Covid.  Javën e ardhshme do hapet procesi aty ku u la. Nuk po jap data, se ne i japim sipas nesh dhe punës sonë, por na dalin pastaj vlonjatët dhe thonë: Do ndërtohet aeroporti në Burrel. Vitin që vjen ndërtohet aeroporti i Vlorës dhe më pas do të nisë procedura për Sarandën. Do e mbyllim mandatin e tretë me 3 aeroporte të tjera. 

Portin e Vlorës do e kthejmë në port turistik, në pranverë hapet kantieri, ndërsa portin e ri të mallrave do e ndërtojmë te Triporti. Porti i Durrësit do ikë që aty, do ndërtohet port turistik. Do ndërtojmë portin e ri të mallrave në Porto Romano. Do fillojë shpejt. Do të kemi portin e ri turistik në Sarandë,  me qeverinë e Kosovës do të diskutojmë për portin e Shëngjinit”, tha Rama

Erdogan thotë se Shqipëria nuk ka nevojë të hy në BE

Presidenti aktual i Turqisë Recep Taiyp Erdogan sot në një prononcim për mediat turke ka thënë se BE është një unitet i shteteve të mëdha të cilat shfrytëzojnë dhe përfitojnë nga shtetet e vogla e sidomos nga shtetet ballkanike të cilat po i afrojnë dalngadal në këtë rreth mashtrues.

Erdogan gjithashtu theksoi se Shqipëria nuk duhet të pranon kyçjen në këtë mashtrim pasi në të ardhmen do të ketë humbje të mëdha ekonomike.

Erdogan për fund theksoi se BE do të fillojë të shpërbëhet deri në vitin 2022. /Lajmenoy.info

Integrimi/Ndarja nga Maqedonia e Veriut,Cakaj:Jemi në një situatë tjetër

Funksionimi i gjykatës Kushtetuese duket se është elementi kyç që kushtëzon pjesëmarrjen e Shqipërisë në Konferencën e Parë Ndërqeveritare, në procesin integrues.

Edhe në vizitën e tij në Tiranë, komisioneri Europian për zgjerimin Varhelyi nuk dha një datë për mbajtjen e kësaj conference.

Por gjatë një interviste në televizionin A2, Ministri i Jashtëm në detyrë Gent Cakaj u shpreh se Gjykata Kushtetuese mbetet në thelb të çështjes, ndërsa pohoi se natyrshëm procesi ynë dhe i Maqedonisë së Veriut në këtë fazë do të ndahen.

“Thelbi i çështjes për mbajtjen e konferencës së parë ndërqeveritare mbetet sigurimi i funksionalitetit të Gjykatës Kushtetuese. Sa i përket një ndarjeje të mundshme nga Maqedonia e Veriut, kjo është një çështje që unë nuk mund ta them tani, për të qenë fare korrekt me të gjithë publikun, por dua të theksoi se suksesi i madh i diplomacisë shqiptare është se Shqipëria dhe Maqedonia e Veriut janë të trajtuara në mënyrë krejtësisht të njëjtë për hapjen e negociatave. Kjo nuk ka qenë e rastësishme, pasi ne kemi lobuar fort. Tashmë jemi në një situatë tjetër dhe proceset do të ndahen natyrshëm. Tashmë dy vendet i kanë hapur negociatat. Se cili vend do të përparojë më shumë në agjendën europiane, kjo varet nga performanca e tyre. Edhe Maqedonia e Veriut ka kushtet e tyre, të cilat janë të pasqyruara fare qartë në konkulzionet e Këshillit. Plotësimi i kushteve për konferencën e parë ndërqeveritare varet nga Performanca e vendeve në veçanti”, u shpreh Cakaj.

Policia mbyll të gjitha urat në Shkup që lidhin pjesën Shqiptare dhe maqedonase

Policia e Maqedonisë së Veriut para pak çastesh ka mbyllur Urën e Gurit që lidh pjesën shqiptare me atë maqedonase. Përveç Urës së Gurit janë bllokuar edhe urat tjera që lidhin këto dy pjesë të qytetit, transmeton Shqippost.

Siç raporton Klan Kosova, urat janë mbyllur me gardh të hekurt dhe sigurohen nga forca policore. Nga MPB nuk sqarojnë zyratrisht shkaqet për këtë bllokim. Jozyrtarisht shkak është ndeshja e sontme mes kombëtareve të Kosovës dhe Maqedonisë së Veriut në futboll. Edhe pse ndeshja luhet pa publik, Shkupin po e sigurojnë forca të shumta policore, nga frika se tifozët shqiptarë që kryesisht anojnë për Kosovën mund të kalojnë në pjesën maqedonase të qytetit, ose anasjelltas.

Gjithçka u zbulua pasi fëmijët dolën duke qarë në dritare: Drama që të këput shpirtin

Drama e fëmijëve sirianë të ikur nga lufta ka përfshirë të gjithë Europën.

Skena me mbytje apo kalim të kufirit greko-turk përmes vuajtjesh të mëdha duke rrezikuar jetën kanë qenë përherë lajm i parë në media, shkruan abcnews.al.

Sëfundmi, është një ngjarje e ndodhur në Stamboll ajo që ka prekur zemrat e të gjithëve.

Mediat lokale raportojnë se tre fëmijë ishin lënë vetëm në bodrumin e një banese në një lagje të Stambollit. Pasi kishte kaluar disa orë dhe prindërit nuk ishin aty për t’i ushqyer, ata kanë dalë në dritaren e banesës duke kërkuar ndihmë prej kalimtarëve.

Shumë prej kalimtarëve u mblodhën aty duke i ushqyer me qumësht, biskota dhe ujë, ndërsa policia filloi të kërkojë për prindërit.

Pas disa orësh u gjet vetëm babai, i cili u shpreh se kishte dalë nga banesa për të marrë ushqim dhe pampers, pasi kishin mbaruar, ndërsa theksoi se nëna i kishte braktisur fëmijët dhe kishte ikur nga shtëpia. /abcnews.al

Thuhet se sjellin fat, ja cilat janë 5 gjërat që duhet ti mbani patjetër në shtëpi

Pavarësisht nëse jeni të kujdesshëm apo jo, me siguri do të keni dëgjuar për gjëra dhe situata që mund t’ju sjellin fat. Mund t’i mbani me vete ose t’i keni në shtëpi.

Pra, disa nga objektet apo edhe ngjyrat e shtëpisë nga disa konsiderohen si më me fat. Aq shumë saqë nëse i keni në dhomën tuaj të ndenjes ose në dhomën tuaj të gjumit mund të ndryshojnë disponimin dhe pse jo, fatin tuaj.

Më poshtë zbuloni pesë prej tyre:

Shumë kultura besojnë se një patkoi në derë sjell fat. Të tjerët besojnë se hendeku duhet të jetë lart, ndërsa të tjerët e kundërta. Gjithsesi është një objekt që konsiderohet se sjell shenja të mira në shtëpi.

Ata që kanë praktikuar dhe besojnë në metodën ‘feng shui’ e dinë se lulet janë simbole të fatit të mirë. E rëndësishme është të mos kesh ferra.

Pasqyrë përballë një vendi të bukur në shtëpi

Të gjitha shtëpitë kanë pasqyra. Por pozicioni i tyre mund të sjellë më shumë fat dhe energji pozitive. Pasqyrat duhet të përdoren gjithmonë për të tërhequr energji pozitive. Pra, vendoseni në një vend që pasqyron diçka të bukur, siç është një pikturë e bukur, oborri juaj ose një vazo me lule.

Elefantët janë më preferuarit mes shumë kafshëve, pasi konsiderohen të mençura dhe besnike dhe për këtë janë simbol i fatit. Pra, vendosni një xhingël të vogël ose një pikturë diku në shtëpinë tuaj.

Kamomili relakson dhe qetëson trupin. Ajo që shumica e njerëzve nuk e dinë është se në shumë kultura konsiderohet simbol i fatit të mirë. Vendosni një sasi të vogël kamomili të freskët në një enë në dhomën e ndenjes ose dhomën e gjumit.

Falen gjobat e karantinës. Kthehen paratë, makinat dhe lejet e bllokuara

Këshilli i Ministrave ka miratuar aktin normativ që parashikon faljen e të gjitha gjobave të vendosura nga autoritetet shtetërore përkatëse për shkeljen e rregullave apo të akteve ligjore e nënligjore të nxjerra në kuadër të masave të ndërmarra për parandalimin dhe luftimin e infeksionit të shkaktuar nga COVID-19, nga data 17.4.2020 deri në datën 7.10.2020.

Po ashtu, akti parashikon se falen të gjitha masat administrative të vendosura nga strukturat e njësive të vetëqeverisjes vendore ndaj familjeve të dëmtura nga fatkeqësitë natyrore, tërmetet e datave 21 shtator dhe 26 nëntor 2019, për shkeljet e konstatuara gjatë kryerjes së punimeve për riparimin/rindërtimin e banesave individuale.

Kthimi i shumës së detyrimit të falur, por të paguar, për masat administrative me gjobë, merret nga zëri përkatës i buxhetit të shtetit apo buxhetit të institucionit në të cilin është arkëtuar shuma, me urdhër të nëpunësit të parë autorizues, dhe kalohet në llogarinë bankare të subjektit përfitues ose, në mungesë të saj, kjo shumë i dërgohet institucionit shtetëror që ka vendosur masën me gjobë për t’ia dorëzuar subjektit përfitues.

Të gjitha institucionet shtetërore, të cilat kanë ushtruar autoritetin e vendosjes së masës administrative me gjobë, duhet të përgatisin listat e subjekteve ndaj të cilave është vendosur masa administrative me gjobë, duke përfshirë shumën si dhe të dhënat e nevojshme për kthimin e saj brenda datës 30 tetor 2020.

Kthimi i shumave pranë llogarisë bankare të subjektit përfitues apo institucionit shtetëror që ka vendosur masën administrative me gjobë të bëhet brenda datës 15 nëntor 2020.

Mënyra dhe rregullat e hollësishme të kthimit të shumave të paguara përcaktohen me udhëzim të ministrit të Financave dhe Ekonomisë.

“Në rastin e gjobave të vendosura nga njësitë e vetëqeverisjes vendore, të gjitha strukturat përkatëse duhet të dërgojnë listat e subjekteve ndaj të cilave është vendosur masa administrative. Mënyra dhe rregullat e hollësishme për zbatimin e faljes dhe kthimin e shumave të paguara, sipas përcaktimeve të këtij akti normativ, përcaktohen nga këshilli bashkiak” përcaktohet në vendim.

Po ashtu, akti parashikon kthimin e lejeve/licencave dhe mjeteve të bllokuara, në zbatim të masave administrative

Të gjitha masat administrative me karakter ndëshkues, si lejet/licencat dhe mjetet e bllokuara, duhet të kthehen brenda datës 15 nëntor 2020 te subjekti përfitues./ SCAN

Ish-shefi i SHIK rrëfen takimin me shërbimin sekret serb: U morëm vesh për njëherë

Ish-shefi i Shërbimit Informativ shqiptar Fatos Klosi në intervistën ekskluzive dhënë për emisionin “Ballkan” të gazetares Linda Karadaku tregoi prapaskenat e një takimi me shërbimin informativ serb pas luftës, në 2002 në Bukuresht, të detyruar nga amerikanët.

“Me serbët jemi takuar shumë më vonë se lufta. Me serbët jemi takuar pas luftës, na detyruan amerikanët të takoheshim dhe takimi vajti mirë, në 2002, në Bukuresht. Kishte mbaruar lufta, serbët po ristrukturonin shërbimin informativ, e kishin një farë kushti nga perëndimorët për të thënë se gjërat kanë ndryshuar kanë prioritete të tjera.

Atje patëm rastin. U morëm vesh për njëherë, njerëzit e harrojnë. Punonjësit e shërbimit janë punonjës shteti, detyrat i cakton kryeministri. Prioritetet i cakton politika. Doli se kishim të njëjtat detyra nga politika. Ne kishim kaluar në luftë kundër krimit dhe terrorizmit. Çështja e Kosovës ishte mbyllur. Ishte nën protektoratin e NATO-s. Folëm hapur fare” tha ai./ db/Abcnews.al